– Ibinahagi ni Sunshine Cruz na siya ay may autoimmune disease na myasthenia gravis

– Nahirapan siyang magbuo ng muscles ngunit nagpapasalamat sa lakas na natagpuan niya

– Nagpasalamat siya kay Ben Chan ng Bench sa pagtupad ng kanyang pangarap na maglakad sa Bench fashion show

– Hinikayat ni Sunshine ang mga kapwa ina at Gen Xers na huwag sumuko sa kanilang mga pangarap

Ibinahagi ng aktres na si Sunshine Cruz ang kanyang pinagdaanang pagsubok matapos ma-diagnose ng autoimmune disease na myasthenia gravis, isang kondisyon na nagdudulot ng panghihina ng kalamnan.

Sunshine Cruz, na-diagnose ng autoimmune disease na myasthenia gravis (📷@sunshinecruz718/IG)
Source: Instagram

Sa isang post sa Instagram, sinabi ni Sunshine na naging mahirap para sa kanya ang pagbuo ng muscles dahil sa sakit na ito, ngunit nagpapasalamat siya sa lakas na natagpuan niya sa kabila ng pagsubok.

“It’s been a real roller coaster these past months. I was diagnosed with an autoimmune disease called myasthenia gravis which has made building muscle a real struggle. But I’m so thankful for the strength I’ve found,” ani Sunshine.

Nagbigay inspirasyon si Sunshine sa mga kapwa ina at sa mga kapwa niyang Gen Xers na huwag sumuko sa kanilang mga pangarap. Ibinahagi rin niya ang kanyang pasasalamat kay @coach.iya na tumulong sa kanya sa pagharap sa kanyang kondisyon.

“Walking for Bench was a powerful reminder of what’s possible even when things are tough. To all my fellow moms and Gen Xers, never give up on your dreams,” dagdag pa niya.

Nagpahayag din ng labis na pasasalamat si Sunshine kay Ben Chan ng Bench sa pagbibigay sa kanya ng pagkakataong maging bahagi ng Bench family.

Ayon sa aktres, ang paglahok sa Bench fashion show ay nagbigay sa kanya ng inspirasyon na kahit mahirap ang sitwasyon, posible pa ring maabot ang mga pangarap.

“Thank you Sir @bcbench for making mine a reality. I’m so honored to be part of the Bench family,” aniya.

Lubos ang saya ni Sunshine sa naging tagumpay ng Bench fashion show kung saan nakita niya ang husay ng bawat isa. “The show was incredible.

Everyone was AMAZING!” saad pa ng aktres. Sa kabila ng kanyang pinagdaraanan, pinatunayan ni Sunshine na walang imposible basta may lakas ng loob at determinasyon.

Ayon sa WebMD, ang myasthenia gravis ay isang autoimmune disease na nagdudulot ng panghihina at mabilisang pagkapagod ng mga kalamnan na kontrolado ng isip o voluntary muscles.

Nangyayari ito kapag inaatake ng immune system ang koneksyon sa pagitan ng mga nerve at muscles, na nagiging sanhi ng hirap sa paggalaw.

Kadalasang naaapektuhan nito ang muscles sa paligid ng mata, mukha, lalamunan, at minsan ay pati na rin ang iba pang bahagi ng katawan.

Bagaman wala pang lunas para sa sakit na ito, may mga treatment na makakatulong upang mapagaan ang sintomas at mapanatili ang kalidad ng buhay ng pasyente.

Ang aktres na si Sunshine Cruz ay mula sa sikat na angkan ng mga Cruz na kilala sa mundo ng showbiz. Ang kanyang mga pinsang sina Geneva Cruz, Donna Cruz, at Sheryl Cruz ay nakilala din sa pag-aartista at sa pag-awit.

Nabiyayaan sila ng dating asawang si Cesar Montano ng tatlong anak na sina Angelina Isabelle, Samantha Angeline at Angel Franchesca. Kagaya ni Cesar, mayroon na ring bagong karelasyon si Sunshine.

Hindi pinalampas ni Sunshine ang isang basher na nagbanggit tungkol sa paggawa niya noon ng “bold movies.”

Aniya ito umano ang dahilan kung bakit na-turn off si Cesar Montano kay Sunshine kaya naghanap umano ito ng iba. Sagot ni Sunshine, hindi nito alam kung ano talaga ang mga nangyari sa kanila at hindi nila siya kilala. Sinabihan din ng aktres ang naturang basher na nag-komento na mag-move on na lang din siya.

Nag-post si Sunshine ng pictures na kuha sa 18th birthday celebration ng anak niya. Makikita sa kanyang picture na binahagi na kuha ng Nice Print Photography na kasama din si Cesar sa pagdiriwang.

Ito ang unang pagkakataon na nag-post si Sunshine ng picture nilang magkakasama simula nang maghiwalay sila ng dating asawa.

Naroroon din ang kanyang kasalukuyang partner na si Macky Mathay at ang isa pang anak ni Cesar na si Diego Loyzaga